Մասնագիտական հանձնաժողովի (այսուհետ՝ Հանձնաժողով) կողմից 2025 թվականի ընթացքում ուսումնասիրվել են 42 գնահատողների կողմից կազմված 230 գնահատման հաշվետվություններ: Կադաստրի կոմիտեի ղեկավարի 2024 թվականի դեկտեմբերի 30-ի «Գնահատողների կազմած գնահատման հաշվետվությունների մասնագիտական ուսումնասիրությունների իրականացման 2025 թվականի տարեկան ժամանակացույց»-ը հաստատելու մասին N 512-Լ հրամանի (այսուհետ՝ Ժամանակացույց) համաձայն` Հանձնաժողովի կողմից 2025 թվականի ընթացքում ուսումնասիրվել են 14 գնահատողների կողմից կազմված 135 գնահատման հաշվետվություններ: Ժամանակացույցում ընդգրկված 10 գնահատողներ հայտնել են, որ տվյալ ժամանակահատվածում գնահատման հաշվետվություններ չեն կազմել: 2025 թվականի ընթացքում «Գնահատման գործունեության մասին» օրենքի 23-րդ հոդվածի 2-րդ մասի 7-րդ կետի ա) ենթակետի համաձայն՝ սուբյեկտների և շահառուների դիմումների հիման վրա Հանձնաժողովի կողմից ուսումնասիրվել են 26 գնահատողների կողմից կազմված 64 գնահատման հաշվետվություններ, իսկ լիազոր մարմնի նախաձեռնությամբ 13 գնահատողների կողմից կազմված 31 գնահատման հաշվետվություններ: Վերոնշյալ ուսումնասիրությունների արդյունքում 2025 թվականի ընթացքում Կադաստրի կոմիտեի ղեկավարի հրամանով 2 գնահատողի որակավորման վկայական դադարեցվել է՝ վկայականն ուժը կորցրած ճանաչելու միջոցով «Գնահատման գործունեության մասին» օրենքի 22-րդ հոդվածի 1-ին մասի 7-րդ կետի հիման վրա:

ՀՀ տարածքում գնահատման գործունեության մասնագիտական հանձնաժողովի (այսուհետ՝ Հանձնաժողով) կողմից 2024 թվականի ընթացքում ուսումնասիրվել են 42 գնահատողների կողմից կազմված 290 գնահատման հաշվետվություններ: Կադաստրի կոմիտեի ղեկավարի 2023 թվականի դեկտեմբերի 20-ի «Գնահատողների կազմած գնահատման հաշվետվությունների մասնագիտական ուսումնասիրությունների իրականացման 2024 թվականի տարեկան ժամանակացույց»-ը հաստատելու մասին N 551-Լ հրամանի (այսուհետ՝ Ժամանակացույց) համաձայն` Հանձնաժողովի կողմից 2024 թվականի ընթացքում ուսումնասիրվել են 15 գնահատողների կողմից կազմված 150 գնահատման հաշվետվություններ: Ժամանակացույցում ընդգրկված 4 գնահատողներ հայտնել են, որ տվյալ ժամանակահատվածում գնահատման հաշվետվություններ չեն կազմել: Կադաստրի կոմիտեի ղեկավարի 2022 թվականի դեկտեմբերի 21-ի «Գնահատողների կազմած գնահատման հաշվետվությունների մասնագիտական ուսումնասիրությունների իրականացման 2023 թվականի տարեկան ժամանակացույց»-ը հաստատելու մասին N 453-Լ հրամանի համաձայն` Հանձնաժողովի կողմից 2024 թվականի ընթացքում ուսումնասիրվել է 1 գնահատողի կողմից կազմված 20 գնահատման հաշվետվություններ: 2024 թվականի ընթացքում «Գնահատման գործունեության մասին» ՀՀ օրենքի 23-րդ հոդվածի 2-րդ մասի 7-րդ կետի ա) ենթակետի համաձայն՝ սուբյեկտների և շահառուների դիմումների հիման վրա Հանձնաժողովի կողմից ուսումնասիրվել են 25 գնահատողների կողմից կազմված 59 գնահատման հաշվետվություններ, իսկ լիազոր մարմնի նախաձեռնությամբ 22 գնահատողների կողմից կազմված 61 գնահատման հաշվետվություններ: Վերոնշյալ ուսումնասիրությունների արդյունքում 2024 թվականի ընթացքում Կադաստրի կոմիտեի ղեկավարի հրամանով 3 գնահատողի որակավորման վկայական դադարեցվել է՝ վկայականն ուժը կորցրած ճանաչելու միջոցով «Գնահատման գործունեության մասին» ՀՀ օրենքի 22-րդ հոդվածի 1-ին մասի 7-րդ կետի հիման վրա:

ՀՀ տարածքում գնահատման գործունեության մասնագիտական հանձնաժողովի (այսուհետ՝ Հանձնաժողով) կողմից 2023 թվականի ընթացքում ուսումնասիրվել են թվով 51 գնահատողների կողմից կազմված թվով 450 հաշվետվություններ: Կադաստրի կոմիտեի ղեկավարի 2022 թվականի դեկտեմբերի 21-ի «Գնահատողների կազմած գնահատման հաշվետվությունների մասնագիտական ուսումնասիրությունների իրականացման 2023 թվականի տարեկան ժամանակացույց»-ը հաստատելու մասին N 453-Լ հրամանի (այսուհետ՝ Ժամանակացույց) համաձայն` hանձնաժողովի կողմից ուսումնասիրվել են թվով 11 գնահատողների կողմից կազմված թվով 198 գնահատման հաշվետվություններ: Ժամանակացույցում ընդգրկված 4 գնահատողներ հայտնել են, որ տվյալ ժամանակահատվածում գնահատման գործունեություն չեն իրականացրել: 2023 թվականի ընթացքում «Գնահատման գործունեության մասին» ՀՀ օրենքի 23-րդ հոդվածի 2-րդ մասի 7-րդ կետի ա) ենթակետի համաձայն՝ սուբյեկտների և շահառուների դիմումների հիման վրա Հանձնաժողովի կողմից ուսումնասիրվել են թվով 19 գնահատողների կողմից կազմված թվով 84 գույքի գնահատման հաշվետվություններ, իսկ լիազոր մարմնի նախաձեռնությամբ թվով 34 գնահատողների կողմից կազմված թվով 168 գույքի գնահատման հաշվետվություններ: Վերոնշյալ ուսումնասիրությունների արդյունքում 2023 թվականի ընթացքում Կադաստրի կոմիտեի ղեկավարի հրամանով թվով 1 գնահատողի որակավորման վկայական դադարեցվել է՝ վկայականն ուժը կորցրած ճանաչելու միջոցով «Գնահատման գործունեության մասին» ՀՀ օրենքի 22-րդ հոդվածի 1-ին մասի 6-րդ կետի հիման վրա:

ՀՀ տարածքում գնահատման գործունեության մասնագիտական հանձնաժողովի (այսուհետ՝ Հանձնաժողով) կողմից 2022 թվականի ընթացքում ուսումնասիրվել են թվով 34 գնահատողների կողմից կազմված թվով 243 հաշվետվություններ: Կադաստրի կոմիտեի ղեկավարի 2021 թվականի դեկտեմբերի 15-ի «Անշարժ գույքի գնահատման հաշվետվությունների մասնագիտական ուսումնասիրությունների իրականացման 2022 թվականի տարեկան ժամանակացույց»-ը հաստատելու մասին N 378-Լ հրամանի (այսուհետ՝ Ժամանակացույց) համաձայն՝ Ժամանակացույցում ընդգրկված են եղել թվով 30 գնահատող: Հանձնաժողովի կողմից ուսումնասիրվել են թվով 23 գնահատողների կողմից կազմված թվով 203 գնահատման հաշվետվություններ: Ժամանակացույցում ընդգրկված 7 գնահատողներ հայտնել են, որ տվյալ ժամանակահատվածում գնահատման գործունեություն չեն իրականացրել: ՀՀ կառավարության 2022 թվականի հունիսի 17-ի «Գնահատման հաշվետվությունների ուսումնասիրությունների իրականացման կարգը և դեպքերը» հաստատելու մասին N 877-Ն որոշման հավելվածի 7-րդ մասի համաձայն՝ 2022 թվականի ընթացքում Հանձնաժողովի պատճառաբանված առաջարկության հիման վրա 1 գնահատող ընդգրկվել է Ժամանակացույցում և ուսումնասիրվել են գնահատողի կողմից կազմված թվով 10 գնահատման հաշվետվություններ: 2022 թվականի ընթացքում «Գնահատման գործունեության մասին» ՀՀ օրենքի 23-րդ հոդվածի 2-րդ մասի 7-րդ կետի համաձայն՝ սուբյեկտների և շահառուների դիմումների հիման վրա Հանձնաժողովի կողմից ուսումնասիրվել են թվով 16 գնահատողների կողմից կազմված թվով 30 գույքի գնահատման հաշվետվություններ: Վերոնշյալ ուսումնասիրությունների արդյունքում 2022 թվականի ընթացքում Կադաստրի կոմիտեի ղեկավարի հրամաններով թվով 3 գնահատողների որակավորման վկայականներ դադարեցվել են՝ վկայականն ուժը կորցրած ճանաչելու միջոցով, համապատասխանաբար՝ «Անշարժ գույքի գնահատման գործունեության մասին» ՀՀ օրենքի 22-րդ հոդվածի 6-րդ կետի, «Գնահատման գործունեության մասին» ՀՀ օրենքի 22-րդ հոդվածի 6-րդ և 7-րդ կետերի հիման վրա: